Colajet volta con Seguros Mutuos

Dous anos despois do seu último traballo Colajet presenta Seguros Mutuos. Este traballo autoeditado é un longa duración no que se reúnen cinco temas instrumentais. Segundo explica a propia banda no seu Soundcloud, "gravamos con enorme lentitude un disco que non só non se parece aos nosos concertos, senón que non o poderiamos reproducir en concertos futuros. Pero, como dicía o outro, “no son todos los tiempos unos”: este disco si foi un proxecto, e marca un fito (perceptíbel) na historia e na traxectoria de Colajet". Atmósferas envolventes e propostas experimentais danse a man neste proxecto que foi gravado no Laboratorio Soyuz (Chaián).