Os premios Fernández del Riego e Julio Camba de xornalismo, convocados pola Fundación Novacaixagalicia e o Ámbito Cultural de El Corte Inglés teñen xa gañadores na súa edición deste ano. Manuel Bragado fíxose co Fernández del Riego polo artigo Illa Soidade, que publicou no blog Brétemas e no Faro de Vigo o 24 de decembro de 2013. Pola súa banda, Luís Ventoso impúxose no Julio Camba co texto Contra todo pronóstico, aparecido en ABC o 14 de novembro de 2013. O artigo de Bragado "chama á reflexión sobre os casos de exclusión social no actual contexto de crise", segundo explican desde a Fundación, mentres o de Ventoso "é un texto literario que vén falarnos de Marcel Proust e do universo particular que constrúe en Na procura do tempo perdido". Ambos os dous galardóns están dotados con 6.000 euros.
En total presentáronse 23 traballos ao Fernández del Riego e 71 ao Julio Camba, dos cales o xurado, composto por Víctor Fdez. Freixanes, Carlos Valle, Alfredo Conde, e Ramón Pernas destacou a calidade.
En total presentáronse 23 traballos ao Fernández del Riego e 71 ao Julio Camba, dos cales o xurado, composto por Víctor Fdez. Freixanes, Carlos Valle, Alfredo Conde, e Ramón Pernas destacou a calidade.
