Baixan ata o 2,42 por cento os centros infantis que ofertan galego nas cidades

Son só sete as escolas infantís que desenvolven a súa actividade maioritariamente en galego no conxunto das cidades de Galicia. Para mais, a porcentaxe de centros para os máis que apostan pola nosa lingua baixou do 3,19% en 2012 a só un 2,42% no curso 2013/14. A Mesa pola Normalización facía onte público o seu estudo sobre esta cuestión, no que sinala que Compostela, con cinco centros que apostan polo galego, e Ourense, con dous, son as únicas cidades que contan con oferta neste sentido.

Para alén dese 2,4%, só o 4,15% dos mestres declara impartir a metade das horas lectivas na nosa lingua, mentre que o 94,43 restante empregan maioritariamente o castelán e só dous centros chegan a un terzo do tempo en galego. Ademais, só 11 dos 289 centros de infantil consultados pola Mesa declararon dispor de materiais na lingua do país.