A tarde de hoxe é de inauguración no edificio do número 50 da rúa Caldeirería, en Compostela. A galería Metro e Aire Centro de Arte, que teñen nel a súa sede, presentan esta tarde cadansúa nova exposiciónn. No caso de Metro, ás 19 horas bota a andar Updated, unha selección de pinturas urbanas de Marc Quintana que se poderá ver ata o dez de xullo. Pola súa banda, en Aire comeza ás 20h o acto de presentación de Resortes de una vida que comienza. As ilustracións de Ana Seoane repasan as lembranzas da artista e artellan un discurso emotivo e íntimo.
