A Consellaría de Cultura anunciaba esta mañá a I carreira Camiño das Letras, unha iniciativa que organiza o colectivo Xurdir e que chama a celebrar o Día das Letras a correr. O proxecto integra deporte, literatura e Camiño de Santiago, xa que será un traxecto de oito quilómetros nesta vía, entre Lavacolla e o Monte do Gozo, o que deberán percorrer os participantes o vindeiro domingo 18. En paralelo, outra carreira cultural, o Correlingua, comezou esta semana a súa andaina polo país. Logo de pasar xa por Pontevedra e Compostela, o evento celébrase hoxe en Lugo e continúa ata o vindeiro dezaseis de abril ata completar un total de 12 localidades.
