Ferrol celebra a súa VII Semana de Poesía Salvaxe

A poesía voltará resonar nas rúas e bares de Ferrol na celebración da VII Semana de Poesía Salvaxe. Os días 24 e 25 de abril concentran un programa que conta con nomes como García MC, Lucía Aldo e María Lado, Estevo Creus, Marcos Lorenzo, Guillermo Fernández ou Pedro Campos. A mestura de poesía e música terá unha importante presenza nesta edición con actuacións como as de O Leo, Gunther Heinz e Ita K, Roger de Flor e Amparo Arias, Al Vidal e Eli Quarter ou Morse.