O galego Pedro Armestre gaña o premio Ortega y Gasset cunha foto sobre os Sanfermíns

“Unha fotografía de gran calidade, de moita beleza, vívida, que transmite con emoción todo o que está pasando e, ademais, reflexa dunha forma inédita a festa dos Sanfermíns”. Esta é a valoración do xurado para conceder a Pedro Armestre (Verín, Ourense, 1972) o premio Ortega y Gasset na categoría de fotografía. O premio, que está dotado con 15.000 euros e unha placa conmemorativa de Eduardo Chillida, entregarase o vindeiro 22 de maio. O desgraza do narcotráfico en Centroamérica (publicada no diario mexicano El Universal), o drama dos desafiuzamentos en España (reportaxe multimedia de El País), a traxectoria do director do diario británico The Guardian foron os gañadores noutras categorías deste certame que concede o xornal El País.