Ingrávida é, segundo o seu sitio web, un espazo de gravitación artística. Con este nome nace en Porriño un espazo de creación e difusion cultural ao abeiro da compañía de teatro Xerpo, formada por Irene Moreira e Álex Sobrino. Ensaios abertos, estreas teatrais, masterclass
son moitas as opcións que teñen pensado para este espazo que nace para dinamizar a cultura nesta localidade pontevedresa. Ata o mes de abril teñen definida a programación que inclúe espectácuos de teatro, maxia, actuacións musicais e cursos de formación, así como un espazo fixo destinado para os máis pequenos todos os sábados ás 12:00 horas.
