A Festa da Arribada celebra esta fin de semana a súa nova edición en Baiona. O evento inclúe actuacións musicais a cargo do grupo Martin Códax, teatro de rúa da man dos Quinquilláns, un mercado medieval, malabarismos, e espectáculos como torneos medievais ou tiro con arco. No marco do evento, a vila acolle desde onte o II Ciclo de Conferencias "Pueblos colombinos de España", no que se tratan cuestións como a importancia do porto de Baiona na Idade Moderna ou a pegada dos portos colombinos na descuberta de América.
