Portada de Viaxe aos recordos
Son proxectos xornalísticos que nacen xa fóra das cabeceiras tradicionais. Formatos híbridos . Novas revistas. Plataformas de distribución de contido. As Bolsas iPROX, outorgadas polo Colexio de Xornalistas co apoio de Novagalicia Banco, fomentaron a creación de catro produtos moi diferentes aos que damos un repaso.
gCiencia. Promovida por Eduardo Rolland e Pablo López Campos, é unha revista informativa sobre ciencia, e dentro da ciencia, moi orientada cara a investigación. “Queremos achegar á sociedade a I+D+i e concienciar sobre a súa importancia para o desenvolvemento do país. E, por suposto, reivindicar a calidade dos profesionais,d as universidades e dos centros de investigación”.
Miríades é un proxecto notablemente distinto.Trátase dun gabinete de prensa multimedia en alta definición, administrado por xornalistas, no que poden “subir contidos informativos en formatos profesionais para divulgalos entre o público obxectivo, que son os traballadores dos medios”. Foi promovido polos xornalistas Xurxo Salgado, Manuel Vilas, e Xosé Bocixa (vídeo) e Miguel Núñez (foto).
Visita Miriades.net
Viaxe aos recordos é a reportaxe dunha historia centrada na emigración galega. A reportaxe multimedia en liña –das poucas que na actualidade se poden atopar en lingua galega- ten como fío condutor a visita de Mercedes Bastón, viúva de Hermelindo, aos lugares de Holanda nos que traballou, viviu durante os trinta anos que estivo emigrado neste país. O proxecto foi levado a cabo por Belén Blanco e Xela Cuñarro.
Galicia soa. Unha reportaxe concebida como unha revista papel (que se pode navegar de xeito interactivo) e que explora os motivos e as circunstancias da desertización demográfica de parte do rural galego. Seis reportaxes en diferentes partes de Galicia e catro entrevistas a expertos compoñen este documental
Visita Galicia soa
