Percorrer os parágrafos dos sete días que escribe Anxos Sumai é coma ir abrindo unha maleta chea de lembranzas e historias. Repensando o pasado a escritora acha nel moitas claves para pensar o presente. Recordos, soños, visións e realidade xúntanse nunha sinfonía de días e noites que Anxos dirixe coma se fose unha sinfonía e ela a directora coa batuta. E tamén teñen historia de seu as palabras do encrucillado. Semellando un escenario as palabras como personaxes interactúan no pasatempo da semana.