Xurxo Penalta e Emma Ríos recuncan en Image con 8House

Dous creadores galegos de banda deseñada participan na nova serie do guionista Brandon Graham para a coñecida editorial estadounidense Image. 8House é unha serie fantástica que, ao longo de catro volumes, explora un mundo rexido por oito casas. Xurxo Penalta será o encargado de ilustrar o guión de Graham para a primeira entrega, mentres Emma Ríos asinará o argumento do terceiro volume, con debuxos de Hwei Lim. A serie ten prevista a súa publicación ao longo de 2014.

De xeito paralelo, este mesmo mes chega ás tendas estadounidenses o número 18 de Thor: God of Thunder. O volume conta con debuxos do galego Das Pastoras e guión de Jason Aaron.