Un percorrido por tres momentos da nosa Idade Media é o eixe de Galiza nun tempo de seu, a exposición que se inaugura esta tarde no Museo Provincial de Lugo. O proxecto, que vai acompañado dun ciclo de conferencias a cargo da Asociación Socio-Pedagóxica Galega, aborda a liñaxe dos Castro, as revoltas irmandiñas e a resistencia aos Reis Católicos. Logo de permanecer ata marzo na Cidade da Muralla, a mostra visitará todos os museos dependentes da Deputación Provincial.
