Lumpen, pachanga & rock'n'roll é o lema co que Obras Públicas Teatro presenta Bye Bye Honey, a súa última produción. Segundo define a propia compañía trátase de "teatro musical de clase baixa, unha obra na que se narra a historia de Marta, unha rapaza de barrio que quere deixar a súa casa. O proxecto está interpretado por César Goldi, Iolanda Muíños e Carlos Mosquera Mos, que tamén se encargou da composición musical. O texto orixinal é de José Prieto e os actores están acompañados no escenario polos músicos Ramón Orencio, Chechu Mosquera e Fran Facial.
