Santiago Cortegoso leva o Varela Buxán de Teatro

Smoke on the water é o título da obra coa que o dramaturgo Santiago Cortegoso acaba de se impor no III Premio de Teatro Mome Varela Buxán, dotado cunha contía de 6.000 euros. O certame, que convoca o Museo do Moble e da Madeira da Estrada contou unicamente con seis obras presentadas nesta edición. O xurado destacou a arquitectura dramática e os personaxes do traballo de Cortegoso, así como a precisión dos seus diálogos. O acto de entrega celebrarase nas vindeiras semanas.