A Orquestra Sinfónica de Galicia inaugura esta noite a tempada musical no Pazo da Ópera da Coruña. Será baixo a dirección titular do músico ruso Dima Slobodeniouk, quen deseñou para a programación 2013-14 da orquestra coruñesa unha ampla selección na que se incorporar compositores rusos e nórdicos. En total, a Sinfónica incorporará máis de vinte e cinco obras que a orquestra interpretará por vez primeira, e contará con gran número de directores convidados, como Stanislav Skrowaczewski, Andrew Litton, Osmo Vänskä, Jesús López Cobos, Jun Märkl ou Eliahu Inbal.
