Co debuxante Tirso Cons como director artístico, acaba de nacer en Compostela a editorial 3 pintamonas. O proxecto, no que participan tamén Raúl Marinho e Elisa Couto, está aberto a todo tipo de publicacións e de autores de novena arte procurando, iso si, un ton reivindicativo para os seus produtos. Sen adiantar títulos, Cons sinala que o primeiro proxecto está previsto para finais do vindeiro ano, e que a intención da editora é facer edición en papel mais cunha forte aposta polas versións dixital en varios idiomas, entre os que estarán sempre o galego e o castelán.
