O XVIII Galicreques trae os títeres de volta a Compostela

Compostela acolle, entre o 28 de setembro e o 6 de outubro vindeiros, a XVIII edición do Festival Internacional de Títeres Galicreques. O evento conta nesta xeira ccon espectáculos a cargo de compañias Los Claves, La Canela, Galitoon, Teatro Cachiporra, Los Duendes, Títeres Larderos, Titiritainas, Alakrán ou Cachirulo entre outros. Ademais de actuacións en bares, teatros e salas, o programa inclúe tamén sesións de Microtíteres en A Regadeira de Adela, con pases de 15 minutos de duración.

Canda ás funcións, o evento inclúe tamén cursos de guión e construción de títeres, exposicións ou presentacións como a do libro José Silvent Martínez, o mítico Barriga Verde de Xaime Iglesias. A coincidir co evento celebrarase tamén o congreso da sección española da Unión Internacional de Marionetistas.