A Bienal de Arquitectura e Urbanismo convócase para premiar, cada dous anos, "un conxunto de obras de alta calidade que poidan representar o mellor e diverso panorama da arquitectura e o urbanismo en españa dos anos que comprende a convocatoria". A Bienal 2013 premiou quince obras, e vintesete proxectos ficaron finalistas. Seis do total, unha cifra moi alta, foron galegos, e ofrecen unha interesante perspectiva sobre a arquitectura contemporánea galega, as súas prioridades e a súa herdanza. Imos repasalos.
Obras galegas premiadas
1. Concello de Lalín
Arquitectos: Emilio Tuñón Álvarez y Luis Moreno García-Mansilla
"O Concello de Lalín oscila entre precisión e probabilidad, construíndo unha ESTRUTURA ANTIMONUMENTAL na que, como nas nubes, pódense adivinar as formas cambiantas das referencias persoais, producíndose a identificación colectiva pola diversidade da interpretación individual: un castro tecnolóxico"
2. Plan de Ordenación do Litoral de Galicia
Redactores: Manuel Borobio Sanchiz e Miriam García García (Dirección Xeral de Sostibilidade e paisaxe)
"Este documento representa un instrumento indispensable para a constitución dun marco normativo estable de protección do litoral de Galicia, que permite avanzar cara unha sociedade máis xusta e competitiva pero tamén máis comprometida coa sustentabilidade e a paisaxe no marco dun novo modelo territorial propio, dinámico e innovador".
3. Recuperación do Casco Vello de Vigo
Autor: Consorcio Casco Vello de Vigo
"O casco vello, peza emblemática da cidade de Vigo, xurdida da relación co mar desde que os romanos instaláronse nel e comerciaron a través do seu porto. Un "locus", de rotundidade topográfica que culmina no promontorio de San Sebasti9án". O desenvolvemento da cidade ao longo do século XX vai parello á agonía económica e demográfica do Casco Vello, facéndose máis visible a situación de marxinalidade e degradación na parte alta do barrio histórico. O Consorcio Casco Vello, creado en 2005, xurde co obxectivo de servir de motor dun proceso de rehabilitación integral, arquitectónico, urbanístico, económico e social".
4. Museo das Peregrinacións e da Cidade de Santiago de Compostela
Arquitecto: Manuel Gallego Jorreto
"O edificio non é indiferente á súa proximidade á Catedral. O percorrido expositivo é tamén un camiño cara a visión de Santiago e da Catedral. Trátase dunha actuación con orzamento limitado, que aproveita o existente e é ademáis respectuoso co contorno. O edificio cambia radicalmente, non só en uso e organización senón no seu espazo e na súa experiencia. Pénsase na intensidade como condición previa e necesaria da arquitectura."
Obras galegas finalistas
5. Cinta guía percorrido sensorial. Xardín Histórico de Castrelos. Vigo
Arquitectos: BMJ arquitectos (Belinda Besada Vergara, Marister Failde Ferreiro)
6. Proxecto de recuperación ambiental e posta en valor do contorno da Fortaleza e Praia Fluvial de Goián (Tomiño)
Arquitectos: Pablo Gallego