Un total de 501 asociacións distribuiranse 500.000 euros das subvencións culturais da Deputación de Lugo. Os orzamentos destínanse á realización de actividades puntuais e a cubrir o traballo anual destas entidades, con contías máximas de 8.000 e 6.000 euros respectivamente. En paralelo, 124 concellos repartiranse 40.000 euros destinados a equipamentos e mais a actividades de carácter cultural. A contía total reduciuse como xa aconteceu nos anos anteriores, sufrindo neste caso unha merma de 50.000 euros.
