Capa do número 0 de Luzes
Recuperar o xornalismo en tempos de crise, atendendo a reportaxes longas e á escrita irónica. Esta é a premisa coa que Manuel Rivas e Xosé Manuel Pereiro presentaban onte, na feria do libro da Coruña o número 0 de Luzes. A revista, que aspira a ter periodicidade mensal e que contará cun amplo suplemento cultura titulado República estará coordinada por Iago Martínez e contará cun nutrido consello de redacción no que participan diferentes nomes da cultura e da comunicación do país. O prezo de venda será de 6 euros e preténdese que a publicación conte cunha versión electrónica que se poida ofertar tamén en castelán e portugués.
