Foi director de Hangar (2001-2005), do Centro Galego de Arte Contemporánea (2005-2009), do Ágora (2010-2011) e agora chega a un dos centros de referencia do Estado: o Museo de Arte Contemporánea de Castela e León (MUSAC). Manuel Olveira (A Coruña, 1964) asegura nunha entrevista concedida a La Voz de Galicia que asume o reto motivado polos puntos fortes dun centro como son “un equipo formado e motivado, un orzamento (aínda que recortado) suficiente, unha colección con moito potencial, unha traxectoria expositiva interesante”. Olveira tratará de imprimir ao centro unha das características definitorias do seu traballo, que son os proxectos colaborativos e unha atención ao aspecto social das prácticas artísticas.
Olveira é o cuarto director do MUSAC nos seus dez anos de traxectoria e chega despois de que González-Sancho denunciara “falta de autonomía artística e administrativa” por parte da Fundación Siglo, que xestiona o MUSAC e depende da Consellaría. Denuncia que a conselleira rexeitou e sitou nun contexo de contención do gasto.
