O MexilOnse Tuits entrega os seus galardóns

O Festival de Social Media de Galicia, MexilOnse Tuits, daba a coñecer onte os galardóns da súa segunda edición. #saboresdeourense levou o premio á mellor campaña en canais sociais, mentres a firma Elogia fíxose co galardón á mellor axencia. O videoclip Rías Baixas Style apañou o de mellor vídeo viral, mentres que o mellor blog informativo e cultural foi para Vigo Low Cost, con só un ano de vida. No campo dos blogs de moda impúxose Fashion Low Cost, o de blog turístico foi para Vivir Galicia, o tecnolóxico para Mallando no Android e o gastronómico para La cocina de lechuza. O equipo de O Tempo da TVG foi tamén recoñecido por "ofertar unha información achegada e anovadora".