"Debuxar é a honestidade da arte" dicía Salvador Dalí. Por iso, o home tivo, de sempre, a necesidade de plasmar ou representar imaxes reais ou imaxinadas. Unha exposición do Museo de Lugo analiza o debuxo na arte galega a partir de creadores nados no século XIX. De Pérez Villaamil a Mampaso pasando por Bello Piñeiro, Castelao ou Maruja Mallo esta escolma ofrece unha variedade de artistas de diferentes estilos: románticos, modernistas, minimalistas, surrealistas ou abstractos. A exposicion, que contará visitas guiadas e actividades paralelas para pequenos, estará aberta ata o vindeiro mes de xullo.
