Xa é público o programa do Arde Lucus

Entre o 14 e o 16 de xuño celebrarase en Lugo o tradicional Arde Lucus, a festa temática de exaltación da fundación romana da cidade, e onte déronse a coñecer as actividades deste ano. Cun orzamento previsto de 200.000 euros, celebraranse 192 actividades das cales 50 serán novas en relación a edicións anteriores. Recreacións de accións relixiosas, militares ou lúdicas da cultura romana e da galaica xuntaranse coa participación de grupos profesionais de recreación histórica, coma os gladiadores de Bérgamo.