Lugo celebra esta fin de semana a súa recreación romana, Arde Lucus

Hoxe comeza en Lugo o Arde Lucus, un programa festivo co que a cidade dá un salto no tempo para volver á época romana. Un campamento militar, un combate de boxeo (Pugilatum in memorian Torijul), xogos romanos e tiro con arco, desfile de traxes de época son algunhas das actividades que se inclúen dentro deste programa que se celebra desde 2001. O Arde Lucus rematará domingo co “comilonum” a comida popular que se celebra arredor da muralla e na que se degustará un menú de inspiración romana.