Lito Portela mestura escultura e son en <i>Espiñas coroadas</i>

A Fundación Laxeiro de Vigo acolle ata o vindeiro 14 de xullo a mostra Espiñas coroadas. O proxecto, comisariado por Carlos L. Bernárdez, recolle tres pezas escultóricas de Lito Portela que van acompañadas de textos de Manolo Romón e dunha composición musical de Julián Hernández. O escultor representa un marco, un banco e mais unha escaleira cargados de espiñas nunha mostra que xoga co espazo da Fundación para crear un ambiente no que o extrañamento e o poético se mesturan. A mostra xa puidera verse o pasado ano na sala ourensá Alterarte.