O patrimonio menos coñecido polos visitantes protagoniza o número 24 da revista Turismo de Galicia que publica Turgalicia. O castro de Baroña, o castelo de Vila Sobroso ou as Torres do Oeste entre moitos outros destinos recóllense amplamente nunha reportaxe desta publicación. Canda a isto, préstase unha ampla atención ao traballo de Virxilio Viéitez, que se aproveita para dar a coñecer os encantos de Terra de Montes, e aténdese tamén ao proxecto Alma de Artesanía de promoción da Mariña Lucense entre outros contidos.
