Triángulo de Amor Bizarro presenta hoxe Victoria Mística

Un concerto na compostelá Sala Capitol servirá de presentación esta noite a Victoria Mística, o agardado terceiro álbum de Triángulo de Amor Bizarro. Aínda pendente de chegar ás tendas, o grupo deu a coñecer xa o primeiro single do novo traballo, Estrellas místicas, que foi recibido con entusiasmo pola crítica. O álbum sairá á luz da man de Mushroom Pillow e foi gravado na Coruña por Roberto Mallo e con mesturas de Manny Neto. A xira do grupo continuará por Madrid (27 de abril), Donosti (30) e A Coruña (4 de maio).