Cultura e a Fundación Pondal dinamizarán Bergantiños e a Costa da Morte

As covas célticas, ou o que é o mesmo, os faladoiros-café sobre temas de interese; ou o Festiletras, un programa arredor do Día das Letras Galegas son algunhas das actividades que organizará a Fundación Eduardo Pondal nas comarcas de Berganiños e Costa da Morte. Esas actividades contan co apoio da Consellaría de Cultura, Educación e Ordenación Universitaria (a través das secretarias xerais de Cultura e Política Lingüística) por medio dun convenio que os responsables de ambas entidades asinaron onte. O simposio Pondaliano, a Universidade Pondaliana Sénior ou a Formacion de monitores en lingua galega son outras actividades previstas neste documento.