Un diálogo de versos a través do tempo

Foron Lupe Gómez, Luz Pozo, Mª Xosé Queizán, Olalla Cociña, Xiana Arias, Yolanda Castaño, Estíbaliz Espinosa, Ana Romaní e Lorena Souto as protagonistas. Nove poetas galegas, introducidas por Comba Campoy, que celebraron o xoves pasado no CCG un recital que pretendía establecer un diálogo coa obra poética de Rosalía de Castro. Aquí presentámoche o vídeo enteiro do recital, realizado no marco do Congreso Internacional Rosalía de Castro que organiza o Consello da Cultura Galega.