Lugares de ir ao cine

Entre 1896 a hoxe en Galicia existiron en Galicia preto de 850 locais destinados a exhibición cinematográfica. Pero non todos foros iguais, senón que pasaron por diferentes etapas e serviron de reflexo do inicio, auxe e decadencia do feito cinematográfico. Os edificios son símbolos físicos e agora co peche e desaparición das salas a Fundación Barrié quixo aproveitar para presentar o primeiro inventario deste tipo de edificacións. Cines de Galicia é unha publicación que recolle a evolución desde os tímidos comezos, o esplendor e a acelerada decadencia e desaparición deses espazos dedicados aos soños e ilusións que conta o cine.

Inicialmente a exhibición de cinema comezou en locais prestados do circo ou do teatro. Pouco a pouco foron tendo locais propios ata que nos anos corenta viviron a súa época de máximo esplendor. Durante moito tempo José Luis Cabo foi compilando material que agora, anos despois do seu pasamento e coa coordinación editorial de Jesús Ángel Sánchez sae á luz. O resultado, que se pode ver en Galicia exhibe 848 edificacións, na maior parte desaparecidas que documentan como foron os espazos dos noso lecer.

Lugares para soñar

Cine Savoy (A Coruña). Fondo Jose Luis Cabo

Cine Fraga. Vigo

Cine Galaxias. Cangas. Fondo Jose Luis Cabo

Cinema Radio Vigo. Fondo Jose Luis Cabo

Fachada cine París (A Coruña). Fondo Jose Luis Cabo