O Festival Atlántica converterá Compostela na capital da narración oral

Poñer en valor a narración oral dos países da ribeira do Atlántico é o obxectivo de Atlántica, Festival Internacional de Narración Oral, que se celebrará en Santiago de Compostela do 5 ao 16 de marzo deste ano. O Festival, dirixido pola actriz Soledad Felloza e promovido polo Pub Atlántico, celebrará 50 eventos, como mesas redondas para o público xeral sobre imaxinario atlántico, mesas sectoriais sobre lectura e animación, obradoiros de narración oral para todos os públicos e ducias de actuacións para público infantil e adulto. En breve poderase coñecer o programa completo do evento.