Ilustración para a capa de Beowulf
Aínda co segundo volume de El héroe quente nas librarías, David Rubín acaba de anunciar o seu vindeiro proxecto na banda deseñada. Beowulf é unha adaptación do poema épico medieval no que o debuxante ourensán conta con Santiago García no guión. O traballo, que está xa en fase de debuxo, está previsto que vexa a luz, segundo adianta García, antes de fin de ano. Os dous autores achegaron este material a pasada fin de semana ao Festival de Angoulême, onde buscaron editores internacionais para o proxecto.
