Dosier: o fondo social e Pambre

Coa morte do Conde de Borraxeiros, Manuel Taboada Fernández, en 2009 abriuse a posibilidade de que o Castelo de Pambre pasara a mans públicas. Os seu herdeiros, os Irmáns Misioneiros dos Enfermos dos Pobres de Teis, expesaron a súa intención de vender a propiedade co obxectivo de obter recursos para a súa acción social en Vigo. E así foi como se concretou o acordo. Despois de meses de negociacións, o Consello da Xunta formalizou hoxe a compra da propiedade con cargo a fondos destinados a servizos sociais que presta esta orde relixiosa. Revisamos neste dosier os diferentes pasos que deu o proceso de compra dunha das fortificacións medievais máis relevantes do país.