José Domingo leva o premio á mellor obra nos II Premios del Cómic Aragonés

Aventuras de un oficinista japonés, de José Domingo, levou o premio á mellor obra aragonesa nos II Premios del Cómic Aragonés que se fallaron onte en Zaragoza. Precisamente esa é a cidade de nacemento do autor gañador, que reside e desenvolve a súa actividade profesional en Galicia desde hai anos. O premio ao mellor fanzine foi para Thermozero, onde Domingo tamén colabora coa serie Superbarbarian.