Nadie tiene la culpa acada varios premios na VIII mostra “Vila de Noia”

A oitava edición da Mostra de Curtas “Vila de Noia” botou o peche onte coa entrega de premios. Un total de 6.600 euros que se repartiron entre numerosos proxectos. A gañadora foi Nadie tiene la culpa, de Esteban Crespo que aborda con ironía as razón dunha separación, que se fixo co premio a mellor curta, mellor dirección e a interpretación de Pilar Castro. O mellor guión foi para Anacos de Xacio Baño, mentres que Luis Zahera recibiu o premio a mellor actor por Conversa cunha muller morta O premio honorífico foi para Antonio Mourelos.

O palmarés desta edición quedou da seguinte maneira:

Mellor actor (300 euros máis trofeo) - Luis Zahera por Conversa cunha muller morta
Mellor actriz (300 euros máis trofeo)- Pilar Castro por Nadie tiene la culpa
Mellor guión (300 euros máis trofeo) – Anacos
Mellor curtametraxe comarcal (300 euros máis trofeo)- Ramón e Xulia
Mellor Dirección (600 euros máis trofeo) - Esteban Crespo
Mellor curtametraxe na categoría de 35 mm (3000 euros máis trofeo) - Nadie tiene la culpa
Mellor curtametraxe na categoría de vídeo (500 euros máis trofeo) – Efímera
Mellor curtametraxe de animación (1000 euros máis trofeo) – Luminaris
Premio honorífico da Mostra - Antonio Mourelos