Arredor da Auga recupera o patrimonio etnográfico do Río Gallo

Os veciños de Meira, en Cuntis, poden cruzar de novo o Río Gallo polos antigos pasos de pedra. O proxecto Arredor da Auga acaba de finalizar, na súa segunda fase, a restauración deste elemento etnográfico, formado por 21 pezas de pedra que se empregaban, xa no século XVIII para pasar a corrente. Unha boa parte das mesmas estaban fóra do seu lugar ou no leito do río. A iniciativa completarase cun roteiro sinalizado que atenderá tanto á importancia natural da zona como á relación histórica dos veciños co río. Ademais, realizarase unha restauración de lavadoiros tamén mediante traballo voluntario.

A Asociación Fervedoira, en colaboración coa Asociación para a Defensa Ecolóxica de Galiza (ADEGA) son os responsables do proxecto, que se integra na iniciativa de Custodia Fluvial nas bacías do Ulla-Umia-Lérez