Capa de Doubles
Clarinete e clarinete baixo son todos os instrumentos que se oen en Doubles dobre CD de Xocas Meijide, coñecido polo seu traballo na Banda Municipal da Coruña, ManOcas Ensamble ou o Cuarteto Xerión. A obra comprende doce temas de autores de música contemporánea como Elliot Carter, Luciano Berio, Isang Yun, Henri Bok, Donald Martino e Patrick van Deurzen compoñen o proxecto, editado por Xingra. O disco, gravado orixinalmente en 2008, presentouse publicamente nun concerto na Coruña o pasado 25 de outubro.
