Os editores centran no futuro da libraría o seu IX Simposio

O futuro da libraría é o lema do IX Simposio O libro e a lectura que organiza anualmente a Asociación Galega de Editores. O evento, que se celebrará o nove de novembro na sede do Consello da Cultura Galega, en Compostela, abordará cuestións como as feiras do libro, o futuro do modelo de negocio destes establecementos ou o emprego das redes sociais desde as librarías. A inscrición para participar no encontro está aberta.