Sempre se pensou que a poesía para Valentín Paz-Andrade(1898-1987) era un divertimento dentro da súa ocupación como avogado e no seu eido de negocios. De feito, só se lle coñecían tres poemarios e un monllo de composicións. Por iso, a edición da súa obra poética, que se presenta esta tarde en Santiago no Consello da Cultura Galega evidencia a relevancia que a composición poética tivo no escritor, amosando outra cara inédita de quen foi homenaxeado neste 2012 co día das Letras galegas. Poesía Completa (Xerais, 2012) é un volume de 752 páxinas editado polo profesor Gregorio Ferreiro Fente.
