O MARCO celebra os seus dez anos a lembrar o Prestige

O 13 de novembro de 2002, o mesmo día en que o Prestige quedaba á deriva ante as nosas costas, abría as súas portas o MARCO de Vigo. Para celebrar este décimo aniversario, o museo presenta, a partir do vindeiro 5 de outubro, a exposición A balea negra, unha ampla mostra colectiva na que un feixe de artistas reflexionan sobre a explotación da natureza, o colonialismo, a historia da modernidade, o mito do progreso indefinido, o comercio marítimo, a globalización ou a guerra a partir da industria petrolífera como unha manifestación da nosa sociedade.

A mostra, que poderá verse ata o vindeiro 31 de marzo, amosa traballos de Alexander Apóstol, Marcela Armas, Bernadette Corporation, Ursula Biemann, Andrea Bowers,
CLUI (Center for the Land Use Interpretation), Mark Dion, Carles Guerra, Romuald Hazoumè, Drew Heitzler, Christina Hemauer & Roman Keller, Werner Herzog, Peter Hutton, Iratxe Jaio & Klaas van Gorkum, Xurxo Lobato, Man (Manfred Gnädinger), Damián Ortega, Georges Osodi, Alberte Pagán, Antón Patiño, El Roto, Analia Saban, Ken Saro-Wiwa, Allan Sekula, Manuel Sendón, Robert Smithson, Phel Steinmetz, Michael Stevenson, Rirkrit Tiravanija, The Yes Men e Xurban Collective entre outros baixo o comisariado de Pedro de Llano