O VII Ciclo Escritoras/es na Universidade analiza as motivacións da escrita

Co título Por que(n) escribir / Para que(n) escribir, o Salón de Actos da Facultade de Filoloxía e Tradución da Universidade de Vigo acollía esta mañá a primeira da sesións do VII Ciclo Escritoras/es na Universidade. A analizar as motivacións da escrita poética, María Lado e Olga Novo iniciaron unha serie de debates que continuarán cada xoves ás 12:00 horas. Xosé Neira Vilas e Antón Riveiro Coello falarán de narrativa a vindeira semana e Quico Cadaval e Carlos Callón fecharán o encontro o vindeiro 18 de outubro a debater sobre teatro e ensaio. O Ciclo está coordinado pola Asociación de Escritores en Lingua Galega co co patrocinio da Secretaría Xeral de Política Lingüística e a colaboración da Facultade de Filoloxía e Tradución da Universidade de Vigo.