Un preso é recluído por uns seres estraños nunha vila do Camiño de Santiago logo de fugarse da cadea. Suspense e humor combínanse en O apóstolo unha das primeiras películas de animación stop-motion de Europa desenvolvida mediante producción estereoscópica. Logo do seu pase por festivais (Málaga, Annency, Mundos Dixitais e na edición deste ano do Festival de Sitges) chega agora a carteleiras. A estrea en salas comercias será o vindeiro 31 de outubro .
O filme, en produción desde o ano 2007, conta cunha ampla e popular nómina de colaboradores como Geraldine Chaplin, Paul Naschy ou Luís Tosar, que prestarán a súa voz e a súa imaxe aos protagonistas do Apóstolo, O orzamento deste filme, duns dous millóns de euros, seguiu os circuitos habituais (subvencións, venda de dereitos…) pero tamén vendeu participacións do filme na rede. A partir de trinta euros calquera puido converterse en coprodutor do filme que implicaba outras cousas, recuperar os cartos en función dos ingresos, ter información privilexiada e acceso ao rodaxe, aparición dos títulos de crédito da película e asistencia á estrea da película. O filma sairá con aproximadamente setenta copias en todo o estado, sen que aínda se teña decidido cantas haberá dispoñibles en galego.
