Un convenio potenciará o desenvolvemento do Campus da Auga

Santiago é o Campus Vida, o de Vigo é o do Mar e o último en ser un campus de excelencia científica é o de Ourense. Chamarase Campus da Auga e pretende ser un centro de referencia investagora e motor económico arredor do termalismo. A Consellaría de Cultura e Educación acaba de asinar coa Universidade de Vigo un convenio para a elaboración do Plano estratéxico e do Programa de necesidades funcionais e usos da futura sede. A creación desa folla de ruta supón un investimento de 247.800 euros.

A creación dese documento estratéxico é paralelo, segundo explica a nota de prensa remitida por Educación “ao Plan Impulsa Ourense, impulsado pola Xunta de Galicia a través do Instituto Galego de Promoción Económica (IGAPE), que define os eixos estratéxicos, obxectivos, liñas de actuación e actuacións concretas para o impulso económico da provincia de Ourense (2011-2018)”.