O informe de DIBOOS destaca o éxito da animación galega

A animación é un valor en alza. Emprega a unhas 2.000 persoas, xera un volume de negocio duns 50 millóns de euros ao ano, prodúcense entre 5 e 8 series así como entre 2 ou 3 longametraxes ao ano e, é o sector audiovisual que máis exporta. E neste eido, Galicia ocupa un posto destacado. A Federación Española de Asociación de Produtoras de Animación (Diboos), acaba de publicar o seu informe para a promoción e difusión deste sector e no que numerosos produtos galegos ocupan un lugar destacado. Desde O bosque animado que foi a primeira película de animación desenvolvida integramente en Europa, o informe lista títulos como Engurras ou O lince perdido.

A publicación que Diboos acaba de dar a coñecer destaca dos traballos galegos, Engurras, que obtivo o Goya a mellor longametraxes de animacion e o de mellor guión adaptado; a longa O lince perdido(2008) que contribuiu á innovacion tecnolóxica no campo da animación e como A Dama e a Morte a primeira curta española en formato 3D estereoscópico. Tamén cita outros proxectos como A tropa de trapo no país onde sempre brilla o sol que foi a primeira longametraxe en 3D estereoscópica para un público de 3 a 7 anos, ou O soldadiño de chumbo.

O informe, alén de facer unha análise das debilidade e fortalezas do sector, destaca o potencial que ten a animación para libros interactivos, mundos virtuais, videoxogos educativos e, o que ten unha maior progresión, aplicacións para móbiles e tablets