Javier Teniente
Premiado fotógrafo de guerras e de catástrofes, Javier Teniente (Vigo, 1968) comezará desde setembro unha nova aventura profesional. Trátase da primeira galería de autor que abrirá na súa cidade natal co obxecto de dar a coñecer o seu traballo fotográfico. Segundo publica hoxe Faro de Vigo a galería tamén dará acubillo a outro tipo de artistas, para completar a súa visión da fotografía. Teniente é autor de Fillos do océano, unha exposición que documentou diferentes formas de pesca en distintas partes do mundo, desde a pesca do atún en Barbate, a persecución da lagosta en Nicaragua, ou a captura do bacallau en Lafoten (Noruega). O proxecto é posible ao ser un dos seis empresarios que accedeu aos locais comerciais postos a disposición dos empresarios polo Consorcio do Casco Vello vigués.
