Tempada de eleccións no sector do libro en Galicia. Pilar Rodríguez, da Libraría Padre Feijóo de Ourense, foi escollida Presidente da Federación de Libreiros de Galicia, tralas eleccións celebradas o sábado 30 de xuño. O vicepresidente será Xosé Antón Pedreira Mirás, da libraría compostelana Pedreira. E o xoves pasado, 28 de xuño, os editores galegos reuníronse na súa asemblea e acordaron a renovación parcial da súa directiva e a incorporación como novo socio do selo compostelá Dardo Editorial, especializado en arte e arquitectura. Manuel Bragado, director de Edicións Xerais de Galicia, repetirá como presidente da asociación.
