A fin de semana galega vén marcada sen dúbida pola celebración do San Xoán. Na noite do sábado milleiros de fogueiras conmemorarán un ano máis o solsticio de verán. Como novidade, o anuncio da administración autonómica de que o vindeiro ano o 24 de xuño será festivo, unha reivindicación crecente por parte da sociedade. Pola súa banda, Lugo ten todo a punto para a celebración do Arde Lucus, que este ano coincide coa festa das fogueiras. Unha nova catapulta, campamentos ampliados, as primeiras xornadas gastronómicas romanas e unha aplicación que permitirá xeolocalizar os eventos son algunhas das novidades desta edición.
O noso dosier San Xoán.
