O plenario do Consello da Cultura Galega non quixo permanecer alleo á catástrofe do Prestige, polo que fixo público un comunicado que amosa a súa solidariedade cos afectados ó tempo que se ofrece como foro de reflexión pola perda que a catástrofe supón para o patrimonio. Aínda que considera que os “riscos poderían ser evitados” fai un chamamento ás autoridades españolas e comunitarias para dotar a Galicia dos medios técnicos, xurídicos e operativos axeitados para que catástrofes coma esta non volvan suceder. No mesmo comunicado esixe a medios e administracións que ofrezan unha información puntual e veraz sen “diminuir nin disimular a súa gravidade”. Ademais, en breve, promoverá unhas xornadas de estudio coa fin de obter conclusións que poidan ser de utilidade.
Máis información na web do
Consello da Cultura Galega